Kandidati për deputet nga AAK-ja, Pal Lekaj ka qëndruar sot në komunën e Gjakovës, ku po shënohet edhe dita e çlirimit të këtij qyteti.
Me këtë rast Lekaj përmes një postimi në Facebook, ka shkruar se qëndresa heroike e sublime e të gjithëve, e bëri të pamundurën të arritshme.
Postimi i plotë:
Bashkëqytetarë të Gjakovës. Sot është 14 qershori, Dita e Lirisë së qytetit tonë. Kjo datë e rëndësishme për qytetin tonë, vjen pasë shumë vuajtjeve e sakrificave para 18 viteve, kur thuajse ishin këputur të gjitha fijet e shpresës për njerëzit e këtij vendi. Por qëndresa heroike e sublime e të gjithëve, e bëri të pamundurën të arritshme. Në këtë ditë dhe jo vetëm, duhet të kujtohen dëshmorët, martirët e invalidët të cilët dhanë me të shtrenjtën nga vetja, dikush jetën, shumë nga ta gjymtyrët, për të arritur të liria.Ne do t’u jemi mirënjohës e do të përulemi çdo herë para madhështisë shtatlartë të heronjve që mundësuan 14 qershorin e Gjakovës dhe të mbarë Kosovës. Urime dita e Çlirimit, Gjakovë!Lavdi të rënëve!
