Startup-i i ri i Mira Muratit, Thinking Machines Lab, po synon të mbledhë një raund financimi prej 1 miliard dollarësh me një vlerësim afërsisht 9 miliardë dollarë, thanë njerëz të njohur me këtë çështje për Business Insider.
Raundi është ende në zhvillim dhe detajet mund të ndryshojnë ndërkohë që një zëdhënës i Muratit nuk pranoi të komentojë, shkruajnë mediat e huaja, përcjell Telegrafi.
Një vlerësim prej 9 miliardë dollarësh është jashtëzakonisht i lartë për një startup më pak se një vjeç, por investitorët kanë qenë të etur për të mbështetur startup-et e AI, veçanërisht ato të themeluara nga ish-punonjës të OpenAI.
Murati më parë kaloi 6 vjet e gjysmë në OpenAI, ku shërbeu si shefe e teknologjisë, duke punuar në zhvillimin e ChatGPT dhe iniciativave të tjera kërkimore të AI.
Ajo u emërua shkurtimisht CEO e përkohshme në nëntor 2023 pasi bordi i OpenAI shkarkoi papritmas Sam Altman, një veprim që shkaktoi trazira brenda kompanisë.
Në një postim në blog, Murati e pozicionoi startup-in si një laborator kërkimi dhe produkti të inteligjencës artificiale të fokusuar në bërjen e AI më të qasshme.
“Për të kapërcyer boshllëqet, ne po ndërtojmë Thinking Machines Lab për t’i bërë sistemet e AI më gjerësisht të kuptueshme, të personalizueshme dhe në përgjithësi të aftë”, thuhet në postim. /Telegrafi/