Vetëm pak orë pasi solli në jetë foshnjën që e ka me të dashurin, një nënë e njohur si @Aubrecita, aksidentalisht zbuloi se partneri i saj po e tradhtonte me një femër tjetër.
“Sapo ushqeva foshnjën time disa orëshe në spital, infermieret më kërkuan ta regjistroj orën kur e kam ushqyer, kështu mora telefonin e të dashurit që po flinte, për të kontrolluar orën”, tha biondja që punon si OB/GYN sonografe, në videon që mori mbi 8 milionë klikime, transmeton Telegrafi.
Ajo në video shfaq ekranin e iPhone të partnerit, që kishte fotografinë e djaloshit të sapolindur dhe njoftimin për mesazh të ri nga një grua që ishte regjistruar me emrin Marissa, që i kërkonte ta vizitonte.
E ky mesazh shokoi amerikanen e cila e publikoi në TikTok si dëshmi videon, sesi krejt aksidentalisht zbuloi se partneri po e tradhtonte me një tjetër. /Telegrafi/