Sllovenia me kujdes e ndjek dhe e aprovon politikën e fqinjësisë së mirë dhe atë rajonale të Republikës së Maqedonisë si një ndër kushtet për anëtarësim në BE dhe në NATO dhe mbetet mbështetëse e fuqishme të saj në këto procese, tha presidenti i Republikës së Sllovenisë, Borut Pahor, në takimin e sotëm me kryeministrin Zoran Zaev.
Siç informojnë nga qeveria, Pahor shpreson se shumë shpejt Maqedonia do të jetë anëtarja e ardhshme e NATO-s dhe se me BE-në së shpejti do të arrihet marrëveshje për fillim të negociatave inkuadruese, përcjell Telegrafi Maqedoni.
Kryeministri Zaev theksoi se koalicioni qeveritar në Republikën e Maqedonisë pas zgjedhjeve lokale, rezultatet e të cilave e konfirmuan mbështetjen për politikat aktuale, tani ka për obligim sa është e mundur më shpejt dhe më solide t’i vazhdojë reformat e filluara të reformave.
Lidhur me aspiratat euroatlantike, Zaev informoi se do të punohet dhe po përgatiten kushte për koncensus politik.
Zaev në takimin e uroi Pahorin për rizgjedhjen dhe i dërgoi urime në emër të presidentit të Maqedonisë, Gjorge Ivanov.
Kryetari i Qeverisë pati takim edhe me kryetarin e Kuvendit slloven Millan Bërglez. E ka informuar për proceset aktuale më të rëndësishme në Republikën e Maqedonisë dhe theksoi se inkurajimi që shteti ynë e mori gjatë kësaj vizite, janë shenjë se është zgjedhur rruga dhe mënyra e vërtetë për zgjidhjen e çështjeve thelbësore me interes të qytetarëve të Republikës së Maqedonisë.
Me takimet e presidentit të Sllovenisë, Borut Pahor dhe me kryetarin e Kuvendit slloven, përfundoi vizita zyrtare e delegacionit qeveritar të Republikës së Maqedonisë.