Kryetari i Aleancës Kosova e Re, Behgjet Pacolli, ka thënë në Zona B të Klan Kosovës se Kosova ka kapacitete shumë të mëdha për zhvillim dhe se me një plan qeverisës do të rriste ekonominë çdo vit për më shumë se 10 për qind.
Duke pasur rritje të tillë ekonomike, Pacolli ka deklaruar se mund të punësojë deri në 90 mijë persona për çdo vit.
“Kemi punë në çdo drejtim, kemi fuqi punëtor fantastike që është e gatshme për këto sfida dhe kemi prona që janë në dispozicion, por që janë uzurpuar nga kjo politikë”, pohon Pacolli.
Shefi i AKR-së thotë se politikanët që udhëheqin tani me Kosovën nuk e duan vendin dhe nuk duan të punojnë.
