Ultrasit e Interit thuhet se kanë vendosur të japin rreth 30,000 bilbila jashtë stadiumit “Giuseppe Meazza” për të ‘mirëpritur’ sulmuesin e Romës, Romelu Lukaku.
Sulmuesi belg ishte në qendër të vëmendjes në afatin kalimtar të verës pasi Nerazzurrët vendosën të hiqnin dorë nga nënshkrimi i tij nga Chelsea, pasi zbuluan se ai kishte qenë në bisedime me rivalët Juventus dhe Milan.
Lukaku nuk është falur nga tifozët dhe tashmë shumë figura të futbollit e kanë peshuar këtë çështje, nga Jose Mourinho dhe Tiago Pinto te Beppe Marotta dhe ish-presidenti i Interit, Massimo Moratti.
Siç raportohet nga Calciomercato, ultrasit e Interit të njohur ndryshe si “Curva Nord”, kanë vendosur që asnjë pankartë nuk do të fokusohet tek Lukaku në tribunat e “Stadio Giuseppe Meazza”, por 30,000 bilbila do t’u shpërndahen tifozëve para ndeshjes posaçërisht për të ‘mirëpritur’ 30-vjeçarin.
Sulmuesi belg nuk është falur nga tifozët dhe pritet një atmosferë e tensionuar në ndeshjen që do të luhet mbrëmjen e së dielës.
Në të kaluarën, bilbilat janë përdorur si një formë proteste kundër gjyqtarëve ose për të shqetësuar një lojtar të caktuar.
Për shembull, Ronaldo, kur luante për AC Milan, u fishkëllye nga tifozët e Interit gjatë një derbi. Në ndeshjet e tjera, si ajo mes Fiorentinës dhe Juventusit, u përdorën bilbilat për të përçarë lojtarët.
Përdorimi i bilbilave si protestë është i mundur, por mund t’i nënshtrohet ndërhyrjes nga gjyqtari në rast se prish në mënyrë të tepruar rrjedhën e ndeshjes./Telegrafi/