Presidentja Vjosa Osmani, së bashku me të Ngarkuarin me Punë të Ambasadës së SHBA-ve, Nicholas Giacobbe, ka vizituar refugjatët afganë që janë të vendosur në Kampin Liya.
Përmes një statusi në Facebook, Osmani ka thënë se Kosova dhe populli i saj do të jenë gjithnjë aty për të ofruar siguri dhe strehë.
“Sot së bashku me të Ngarkuarin me Punë të Ambasadës së SHBA-ve, Nicholas Giacobbe ishim në vizitë në Kampin Liya. E rrethuar nga fëmijët afganë që vazhdonin lojën e harenë, edhe pse në tokë të huaj, sot kuptuam edhe njëherë rëndësinë e ngrohtësisë e nivelit të dashamirësisë që duhet ta karakterizojnë një vend që i hap dyert për ata që janë në nevojë”, u shpreh Osmani.
Tutje u shpreh se dikur ishin vendet e tjera për shqiptarët, e sot shqiptarët rani janë në gjendje të bëhen shtëpi e përkohshme e atyre që u detyruan të lënë pas shtëpitë e tyre.
“Kosova dhe populli i Kosovës do të jenë gjithnjë aty për të ofruar siguri dhe strehë. Ndihemi të nderuar që jemi në gjendje të qëndrojmë pranë aleatëve tanë”, shkroi Osmani, transmeton Telegrafi.
