Ka nisur takimi ndërmjet presidentes së Kosovës, Vjosa Osmani dhe kryetarëve të partive politike për të diskutuar datën e zgjedhjeve.
Në takim të pranishëm janë lideri i Partisë Demokratike të Kosovës, Memli Krasniqi, ai i Lidhjes Demokratike të Kosovës, Lumir Abdixhiku, i Aleancës për Ardhmërinë e Kosovës, Ramush Haradinaj.
Në takim nuk është i pranishëm lideri i Lëvizjes Vetëvendosje, Albin Kurti.
I pranishëm nuk është as nënkryetari i LVV-së, Glauk Konjufca ashtu siç ishte paraparë.
Të pranishëm në takim nuk janë as nga Lista serbe.
Ndryshe, zgjedhjet e rregullta duhet të mbahen në periudhën nga 26 janar – 16 shkurt të vitit 2025
Njohësi i procesit zgjedhor, Eugen Cakolli ka thënë se zgjedhjet e rregullta parlamentare mund të mbahen në periudhën, nga fundi i janarit deri në mes të shkurtit të vitit 2025.
“Datat e vetme të zgjedhjeve të rregullta që Presidentja mund t’i diskutojë me partitë politike në takimin e së mërkurës, janë 26 janari, 2, 9 apo 16 shkurti. Presidentja ka kohë më së voni deri në mes të nëntorit, për ta caktuar ndonjërën prej këtyre datave”, ka pohuar ai. /Telegrafi/
