Presidentja e Kosovës, Vjosa Osmani dhe kryeministri Albin Kurti po marrin pjesë në Konferencën për Siguri, e cila po mbahet në Mynih të Gjermanisë.
Në takime të ndara, Osmani e Kurti kanë takuar senatoren amerikane, Jeanne Shaheen, me të cilët kanë biseduar për marrëdhëniet Kosovë-SHBA.
“Kënaqësi ta takoja Senatoren Shaheen në Konferencën e Sigurisë në Mynih. E falënderova për angazhimin dhe mbështetjen për Republikën e Kosovës. Vendosmëria jonë për të thelluar më tej partneritetin dhe bashkëpunimin tonë strategjik është bërë më e fortë”, ka shkruar Osmani në Twitter.
Pleasure to meet with @SenatorShaheen at the Munich Security Conference. Thanked her for her engagement and support for the Republic of Kosovo.
Our determination to further deepening our strategic partnership and cooperation has only grown stronger. 🇽🇰🇺🇸 pic.twitter.com/24piiqkyUr
— Vjosa Osmani (@VjosaOsmaniPRKS) February 18, 2023
Presidentja ka takuar edhe senatorin amerikan, Bob Menendez, të cilin siç ka bërë të ditur, e ka falënderuar për mbështetjen e palëkundur ndaj Kosovës.
“E falënderova për mbështetjen e palëkundur për Republikën e Kosovës dhe përkushtimin për avancimin e vazhdueshëm të marrëdhënieve tona dypalëshe”, ka shkruar më tej Osmani. /Telegrafi/
Happy to catch up with @SenatorMenendez.
Thanked him for his steadfast support for the Republic of Kosovo and the commitment to continuously advance our bilateral relations.
🇽🇰🤝🇺🇸 pic.twitter.com/OmWoLNIgTK
— Vjosa Osmani (@VjosaOsmaniPRKS) February 18, 2023