Ushtruesja e detyrës së presidentes, Vjosa Osmani, ka shpërndarë sërish në rrjetin social Facebook sloganin e saj “Guxo” për zgjedhjet e ardhshme.
Mbishkrimi i fotografisë së publikuar në të cilën është slogani i iniciativës së saj është “E ardhmja u takon atyre që guxojnë”.
Më herët, Partia Demokratike e Kosovës (PDK) ka akuzuar ushtruesen e detyrës së presidentes Vjosa Osmani se e ka vjedhur sloganin e kësaj partie.
Sipas tyre, slogani i Vjosa Osmanit nuk është asgjë më tepër se sa një vjedhje e sloganit të partisë në kohën kur ajo drejtohej nga Hashim Thaçi, në vitin 2004.
Akuzat e PDK-së i ka hedhur poshtë vetë Vjosa Osmani.
Ajo të shtunën në një postim në Facebook ka cituar poetin Ndre Mjedën duke thënë se “Çfarëdo sendi me fitue, Trimni lypet e guxim”./Telegrafi/
