Presidentja e Republikës së Kosovës, Vjosa Osmani, ka ngushëlluar familjen Veseli pas vdekjes së nënës së ish-kryetarit të Kuvendit të Kosovës, Kadri Veseli, Ajshe Veseli.
“Ajo jetoi afër një shekull dhe ishte një grua që u sfidua, sakrifikoi dhe u dëshmua, duke luajtur rol të rëndësishëm në kultivimin e atdhedashurisë në familje”, ka thënë Osmani, në telegramin e ngushëllimit.
Më tej Osmani tha se bashkëndjen me familjen Veseli.
“Kujtimi për nënën mbetet i paharruar, ndaj e nderuar familje Veseli, jetoni me kujtimet më të mira për nënën Ajshe”, është thënë tutje Osmani. /Telegrafi/
