Policia e Kosovës ka njoftuar se ka arrestuar një person në Ferizaj, i dyshuar për veprën penale “Organizim i skemave piramidale dhe bixhozit të paligjshëm”.
Policia ka bërë të ditur se pas një hetimi paraprak, njësitet policore kanë realizuar një aksion në rrugën “Vëllezërit Gërvalla” në Ferizaj, ku dyshohej se ishin duke u zhvilluar lojë ndaluar e bixhozit, dhe se gjatë bastisjes në këtë lokacion janë hasur 13 persona duke luajtur bixhoz në dy tavolina, transmeton Telegrafi.
Personat e dyshuar janë arrestuar dhe janë intervistuar dhe me urdhër të prokurorit të shtetit janë liruar në procedurë të rregullt, përveç pronarit të lokalit i cili dërgohet në ndalim policor prej 48 orësh.
Policia ka njoftuar se lidhur me këtë rast, si prova materiale janë konfiskuar: 46.521 euro, 1.250 fr.zvicerane dhe 1.400 lek. /Telegrafi/