Deputeti i PDK-së, Bekim Haxhiu pati pyetje të shumta karshi ministrit të Shëndetësisë, Arben Vitia.
Ai Vitinë e quajti përfaqësues të sektori shëndetësor privat derisa tha se ministria e Shëndetësisë është drejtori i sektorit privat.
“A do ia braktisësh sërish pacientët dhe shëndetësinë si e vlerësoni punën e Përparim Ramës? Ju e thatë se antikorrupsioni po merret me juve, a keni pas marrëdhënie kontraktuale me Olive sa ka qenë paga juaj, çfarë pozite keni pasur, a keni punuar vetë apo edhe me ndonjë familjarë? Pyetje nuk do të bëjë për sektorin publik sepse asnjë premtim nuk e keni realizuar dhe ju jeni përfaqësues i sektorit privat. Skandalet janë të një pas njëshme.
Ushtruesja e detyrës është ish drejtoresha e Mytaher Haskukës ndoshta nuk është politike, por me marr një drejtoreshë politike duke pas mijëra menaxherë këtu por prapë është çështje juaj. Ministria e Shëndetësisë është shndërruar në drejtori të sektorit privat”, tha Haxhiu.
Ndërsa, Shemsedin Dreshaj nga AAK e nisi debatin me Vitinë duke iu drejtuar se ke ardhur taze, madje ai konsideroi se sektori i shëndetësisë nuk është prioritet i kësaj qeverie.
“Shëndetësia kurrë më keq nuk ka qenë, ka mungesë të barnave esenciale e lista të pritjes trajtime jashtë vendit me borxhe milionëshe, ikje të profesionistëve shëndetësor. Ka regres në përcaktim të menaxherëve të shëndetësisë”, tha ai.
E epiteti që i dha Dreshaj Vitisë se është taze këtij të fundit si duket nuk i pëlqeu.
“Nuk jam taze, përgjegjësitë që më takojnë do ta ketë një emër dhe të gjitha përgjegjësitë do të më adresohen mua, e se sa jam taze nuk do të qoj peshë. Shëndetësia si ushtria ose si partia ka qenë dikur, por nuk ka më”, tha ai.
Por lidhur me pyetjen e Dreshaj tha se ligji për shëndetësi dhe ai për sigurime shëndetësore do të vijnë në Kuvend, Vitia duke mos dhënë ndonjë datë të caktuar u shpreh se për këto ligje bazike kanë plan të detajuar se kur do të sillen në qeveri e Kuvend, raporton kp/Telegrafi/