Isco nuk e ka ndërmend të largohet nga kontinenti i vjetër Evropa.
Mesfushori spanjoll nuk po ka hapësira te Real Madridi, por edhe në rast largimit nga Santiago Bernabeu synon që të mbetet në Evropë.
29-vjeçari ka refuzuar një ofertë të pabesueshme nga Katari, thënë ndryshe një kontratë të jetës.
Ka qenë babai i lojtarit që në një intervistë për televizionin El Chiringuito ka zbuluar se djaloshi i tij ka refuzuar transferimin në Katar.
Emri i skuadrës nuk është bërë publik, por babai i mesfushorit spanjoll ka zbuluar se kanë refuzuar kontratë me 15 milionë euro në vit.
Gjithashtu babai i lojtarit ka thënë se klubi nga Katari ishte i gatshëm të bënte edhe një pagesë në drejtim të Real Madridit për spanjolle.
Mirëpo reprezentuesi spanjoll nuk ka në plan të largohet nga futbolli evropian, pasi mendon që ende është herët për karrierën e tij të largohet drejt Lindjes së Mesme. /Telegrafi/
⚠️"El PADRE de ISCO ha recibido una OFERTA de un equipo de CATAR por su hijo de 15 MILLONES al AÑO"
¡Lo cuenta @PipiEstrada1 en #ChiringuitoIsco! pic.twitter.com/PRxezGQa0i
— El Chiringuito TV (@elchiringuitotv) January 27, 2022