Pas një jave të ngarkuar duke marrë tre fëmijët e tij më të mëdhenj për të vizituar vendet në Korenë e Jugut me njerkën e tyre Bianca Censori, reperi 47-vjeçar u pa duke u përgatitur për të hipur në një fluturim jashtë Azisë Lindore.
Ndërsa ai nuk u pa duke lënë vendin me fëmijët e tij North, 11 vjeçe, Saint, tetë vjeç, Chicago, gjashtë vjeçe, ose gruan e tij 29-vjeçare, muzikanti dukej i qetë ndërsa rrinte me dy burra dhe anëtarët e ekipit të tij të sigurisë. Fëmija më i vogël i yllit, Psalm, pesë vjeç, dukshëm nuk kishte ardhur në udhëtim.
Kjo pamje e fundit e Kanye West vjen disa ditë pasi ai thumbonte markën “Adidas” dhe përshëndeti reperin Drake gjatë shfaqjes së tij “Vultures 2” në Korenë e Jugut të enjten, shkruan DailyMail.
Para se të performonte këngën e tij të vitit 2007, “I Wonder”, babai i katër fëmijëve deklaroi: “Kjo është për Drake”. Më vonë atë mbrëmje, ai brohoriti “f**k Adidas” dhe inkurajoi audiencën të bashkohej, para se të interpretonte “Can’t Tell Me Nothing”, një tjetër hit nga albumi i tij i tretë, “Graduation”.
Sipas disa burimeve, disa artistë k-pop u panë duke ndjekur koncertin e tij më 23 gusht. Kjo përfshinte anëtarët e grupit Aespa, Giselle dhe Winter. Dy shfaqjet e fundit të tij shënojnë herën e parë që ai performon në Korenë e Jugut që nga festivali i muzikës “Summer Week&T” në vitin 2010.
Këtë javë, një burim zbuloi për DailyMail listën e kërkesave të West para një shfaqje. Një burim pretendoi se ai insiston të ketë 24 dhoma në një hotel me pesë yje për përdorim personal. Për veten dhe Censori, hoteli duhet të jetë “Ritz”, “Four Seasons” ose “Aman” (resortet luksoze në pronësi të magnatit rus Vladislav Doronin). Ekipi mund të strehohet në një hotel tjetër, por duhet të jetë gjithsesi një vend me pesë yje.
Në koncertet, ekipi duhet të veshë rroba të zeza dhe të mos përdorë telefonat – ose të konsumojë alkool, duhan ose drogë. Në çdo vend koncerti, West kërkon katër dhoma private të mbyllshme me mobilje të zeza (dy divane, dy karrige dhe një tavolinë festivali).
Nuk duhet të ketë shishe plastike, pjata ose pajisje. Ai dëshiron peshqirë të zezë për duart që duhet të jenë të lara paraprakisht, plus edhe dhjetë peshqirë të mëdhenj banjoje, gjithashtu të zeza. Dhe një kuti me letra të lagura për fëmijë të pa aromatizuara.
Për pije, ai kërkon 24 shishe ujë dhe katër shishe lëng frutash. Alkooli është i ndaluar. Një gjë për të cilën është veçanërisht i kujdesshëm janë karikuesit e telefonave. Ai kërkon dy karikues të ndryshëm për iPhone dhe specifikon: “Jo produkte të falsifikuara të Apple”. /Telegrafi/
