Site icon Telegrafi

OEMVP në takim me OJQ-të nga Shkupi

Oda Ekonomike e Maqedonisë Veri-Perëndimore (OEMVP) dhe Fondacioni ALBIZ (Dauti) sot organizojnë takim me sektorin e biznesit dhe OJQ-të lokale nga Shkupi, transmeton Telegrafi Maqedoni.

Qëllimi kryesor i takimeve është që të ndërmjetësohen partneritete efektive afatgjate në mes të OJQ-ve dhe sektorit të biznesit.

Në këtë takim pjesëmarrësve do iu prezantohet Ligji për donacione dhe sponzorizime, korniza e të cilit mundëson institucionalizimin e bashkëpunimit mes komunitetit të biznesit dhe OJQ-ve si dhe lehtësimet tatimore që ata i përfitojnë në rast se mënyra e donacioneve bëhet përmes kanaleve institucionale.

Takimet realizohen në kuadër të projektit ‘Qëndrueshmëria financiare e OJQ-ve në bashkëpunim me sektorin e biznesit’, e financuar nga BE dhe implementohet nga Fondacioni Dauti në partneritet me OEMVP.

Projekti zbatohet në rajonin e Shkupit, Tetovës, Gostivarit, Dibrës, Kërçovës, Strugës dhe Kumanovës.

Qëllimi i përgjithshëm i projektit është të kontribuojë në qëndrueshmërinë e shoqërisë civile në Maqedoni përmes ngritjes së pavarësisë financiare të OJQ-ve. /Telegrafi/

Exit mobile version