Oda e Afarizmit te Kosovës ,Oda Ekonomike e Kosovës, Rrjeti i shitësve më Pakicë, dhe asociacione tjera te biznesit janë shprehur tejet të shqetësuara në lidhje më vendimin e Bordit te AKP-së, të marrë në mbledhjen e mbajtur më datë 25.06.2018 ndaj Kompanisë Elkos Group, dhe aplikimin e ndëshkimeve financiare prej 1,170,000 Euro, lidhur me rastin e privatizimit të Ndërmarrjes se Re ”Famipa” Sh.p.k në Prizren.
Odat dhe asociacionet e Biznesit janë shumë te shqetësuara më vendime të tilla dhe konsiderojnë se këto e dëmtojnë seriozisht zhvillimin e biznesit në Republikën e Kosovës, dhe po ashtu krijojnë klimë të pafavorshme për bizneset duke paraqitur Kosovën si vend ku bizneset ndëshkohen dhe që të duket jo atraktiv dhe i papërshtatshëm për investitorët e huaj dhe vendor.
Odat dhe asociacionet e biznesit kërkojnë nga Bordi i Agjencisë Kosovare te Privatizimit, Kryeministri i Kosovës dhe Kryetari i Kuvendit te Kosovës qe të marrë parasysh këtë shqetësim te Odave dhe Asociacioneve te Biznesit dhe te rishqyrtohet ky vendim i marrë ndaj Kompanisë Elkos Group, pasi që vendim nuk është në favor të askujt dhe më së paku ne favor dhe në funksion të zhvillimit ekonomik te Kosovës.