OBRM-PDUKM-ja kritikoi ashpër vendimin e gjykatës ndaj ish-funskionarit të saj, Gjoko Poposvki. Nga kjo parti thonë se Prokuroria Speciale nuk ka asnjë argument të arsyeshëm.
“Aktvendimi është reflektim i presionit politik të kartelit të qeverisë. Zoran Zaev personalisht paralajmëroi këtë ndjekje dhe në deklaratën e tij disa ditë më parë paralajmëroi aktvendimet e para. Sot gjykata varrosi drejtësinë dhe shtetin e të drejtës”, thuhet ndër të tjera në reagimin e OBRM-PDUKM-së.
Nga partia opozitare maqedonase thonë se procese të këtilla që i zhvillon gjykata nën presion të karteleve kriminale të pushtetit zhvillohen vetëm në Korenë e Veriut.
Përndryshe, Gjoko Popovski sot u dënua me nëntë vite burg në lëndën “Treqind” të PSP-së./Telegrafi/
