OBRM-PDUKM-ja ka reaguar ashpër ndaj një publikimi në portalin PlusInfo, ku thuhet se lideri i kësaj partie është duke bërë pazar me zgjedhjet, në këmbim të mos tërheqjes së vendimit të kryetarit Ivanov për faljen e politikanëve të cilët janë nën hetime, transmeton Telegrafi Maqedoni.

OBRM-PDUKM-ja thotë se asgjë nuk është e vërtetë në lajmin e publikuar nga një portal që është nën diktatin e LSDM-së, duke theksuar se OBRM-PDUKM-ja nuk ka bërë asnjë pazar deri tani, por as që do të bëjë një gjë të tillë, kur janë në pyetje interesat shtetërore dhe të qytetarëve.

Përmes këtij reagimi, kjo parti thotë se interesi kryesor i saj është dalja nga kriza përmes mbajtjes së zgjedhjeve të parakohshme parlamentare të 5 qershorit, ku qytetarët do të vendosin se kujt t’ia japin besimin për ta udhëhequr Maqedoninë./Telegrafi/

Gjithashtu lexo: Gruevski bën pazare politike, hajde t’i shtyjmë zgjedhjet, kurse vendimi për falje të mbetet?!