Liverpooli është duke konsideruar mundësinë të paguajnë 100 milionë euro për portierin e Atletico Madridit, Jan Oblak.
Sipas AS, Reds është në kërkim të një portieri kualitativ, kjo pas paraqitjes të dobët të Loris Karius në finale të Ligës së Kampionëve ndaj Real Madridit.
Slloveni ka klauzolë 100 milionë euro, por skuadra e Jurgen Klopp dëshiron të fillojë bisedimet për një transferim të mundshëm.
25-vjeçari i është bashkuar Atletit nga Benfica në vitin 2014 dhe që nga atëherë ka bërë 150 paraqitje, duke fituar kështu tre herë radhazi çmimin Zamora për portierin më të mirë në La Liga.
Por, Oblak nuk i vetmi në listën e skuadrës nga Anfieldi.
Në rast se transferimi i tij dështon, atëherë sytë e skuadrës angleze do të kthehen nga portieri i Romës, Alisson.
Vlen të theksohet se portier i dytë aktualisht i Reds është Simon Mignolet, por që me shumë mundësi do të largohet gjatë verës. /Telegrafi/