Sot janë bërë 19 vjet prej sulmit terrorist ndaj Kullave Binjake në New York të Shteteve të Bashkuara të Amerikës.
Në kujtim të kësaj ngjarje sonte objekti i Qeverisë së Kosovës është ndriçuar me ngjyrat e flamurit amerikan.
Kryeministri i Kosovës, Avdullah Hoti ka publikuar fotografi të objektit të Qeverisë me ngjyrat e flamurit amerikan, teksa ka shkruar se ajo ngjarje nuk harrohet kurrë.
Ndryshe, sulmi ndaj Kullave Binjake ishte kryer më 11 shtator 2001 nga një grup prej 19 vetash rrëmbyes radikal, 15 prej tyre ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani. Në këtë sulm terrorist humbën jetën 2,996 njerëz në katër zona të ndryshme. /Telegrafi/
