Ish-presidenti i Shteteve të Bashkuara të Amerikës, Barack Obama, mbajti një fjalim në Konventën Kombëtare të Partisë Demokratike në Chicago dhe dalja e tij në skenë shkaktoi entuziazëm të madh te turma.
Në një fjalim emocionues, Obama iu referua fushatës së kandidates së Partisë Demokratike, Kamala Harris dhe tha se ka mundësi që ajo, si grua, të shkruajë historinë e Shtëpisë së Bardhë.
“Ne duam diçka më të mirë. Ne duam të jemi më të mirë. Gëzimi dhe emocioni që po shohim rreth kësaj fushate na tregon se nuk jemi vetëm”, tha ai.
Ish-presidenti amerikan iu referua edhe fushatës së Donald Trumpit, raporton cnn.
“Nofka fëmijërore dhe teori konspirative të çmendura dhe një obsesion i çuditshëm me turmat. Thjesht vazhdon. Para disa ditësh kam dëgjuar se dikush e krahasoi Trumpin me fqinjën që çdo minutë të çdo dite shtyn një pastrues gjethe përmes dritares suaj. Nga fqinjët, kjo është shteruese. Nga presidenti, kjo është thjesht e rrezikshme”, tha Obama.
Megjithatë, 63-vjeçari paralajmëroi se amerikanët nuk duhet të bien pre e mashtrimeve të Trumpit.
“Trumpi po i kthehet trukeve të vjetra politike – përhapja e mentalitetit ‘ne dhe ata’ – është vjetruar. Nuk na duhen edhe katër vite kaos. Ne e kemi parë atë film. Të gjithë e dimë se vazhdimi zakonisht mund të jetë vetëm edhe më i keq”, tha ai.
Në fjalën e tij, ai iu referua karakteristikave të Harrisit dhe kandidatit për zëvendëspresident, Tim Walz.
“Harris është gati për këtë punë. Ajo nuk është fqinja që përdor pastruesin e gjetheve. Ajo është fqinja që nxiton për t’ju ndihmuar kur keni nevojë për ndihmë”, tha Obama.
Ai tha për Walz se ai thjesht adhuron njerëz si ai.
“Unë e dua këtë djalë. Harris ka gjetur partnerin e përsosur. Një administratë e Harris-Walz mund të na ndihmojë të kapërcejmë disa nga argumentet e vjetra të lodhura që mbysin përparimin në thelbin e tyre”, përfundoi Obama.
Ndryshe, zgjedhjet për presidentin e ri të SHBA-së do të mbahen më 5 nëntor (e martë). /Telegrafi/
Gwen Walz’s reaction to Obama’s mention of Tim Walz’s flannel shirts is everything. pic.twitter.com/w3r01ix1G9
— Chris Strider (@stridinstrider) August 21, 2024