Presidenti i SHBA-ve, Barack Obama, vazhdimisht ia ka treguar botës anën e tij komike dhe të relaksit, në shumë emisione dhe intervista, ndërsa kësaj radhe ka zgjedhur të marrë pjesë në një skeç komik me humoristin e njohur kuban, Panfilo, pak para vizitës së tij historike në Kubë.
Skeçi është realizuar nga Ambasada amerikane në Havana, me ç’rast kreu i Shtëpisë së Bardhë dhe komiku i njohur flasin për udhëtimin e presidentit.
Në përpjekje për të kontaktuar me Institutin meteorologjik në Casa Blanca, për të pyetur se a do të bie shi për ndeshjen e bejsbollit, Panfilo telefonon Shtëpinë e Bardhë dhe telefonin ia hap pikërisht presidenti.
Aktori Luis Silva, i cili portretizon karakterin e Panfilos, i thotë 54-vjeçarit që të mos marrë shumë gjëra me vete se do të ngecë në aeroport. Po ashtu, ai ia ofron krevatin e tij për të fjetur nëse nuk ka ku të qëndrojë.
Obama është presidenti i parë amerikan që viziton Kubën, 88 vjet pas ndërprerjes së marrëdhënieve mes këtyre dy vendeve. Ai do të udhëtojë atje së bashku me gruan dhe dy vajzat e tij. /Telegrafi/
