Seriali i dashur nga publiku “O Sa Mirë” po bën përgatitjet për një rikthim madhështor në ekranet e telespektatorëve.
Pas suksesit që ka pasur në sezonet e mëparshme, kasti i ri i aktorëve është mbledhur për të filluar punën për sezonin e ri që premton të sjellë të njëjtat histori të dashura nga publiku me një frymë të re dhe një koncept kreativ.
Përgatitjet për sezonin e ri kanë filluar me entuziazëm dhe energji të re, dhe sipas burimeve pranë produksionit, Lirak Çelaj do të jetë përgjegjës për skenarin e sezonit të ri.
Çelaj, me një përvojë të konsoliduar si skenarist, do të sjellë një qasje të re në serialet e humorit, duke i dhënë një dimension të ri historisë dhe personazheve që kanë hyrë tashmë në zemrat e shikuesve.
Regjia e këtij sezoni i është besuar Tanju Sylejmanit, i cili ka në dorë një detyrë të rëndësishme për të kthyer në jetë vizionin e Çelajt dhe për ta përshtatur atë në stilin unik të serialit “O Sa Mirë”.
Do të jetë interesante të shohim se si do të bashkëveprojnë këto dy talente për të sjellë në jetë një nga seritë më të dashura të humorit në televizionin shqiptar.
Telegrafi ka arritur të sigurojë një fotografi ekskluzive nga prapaskenat e xhirimeve. Në imazhin e siguruar, aktorët shihen në aksion, duke u përgatitur për skenat e ndryshme dhe duke filluar punën për të krijuar magjinë e serialit. Detajet e para tregojnë se aktorët janë të motivuar dhe të gatshëm për të dhënë maksimumin dhe të sjellin në ekran një sezon të plotë me humor dhe argëtim.
“O Sa Mirë” do të vazhdojë të jetë një pikë referimi në fushën e komedisë në Kosovë, dhe të gjithë presin me padurim rikthimin e serialit në ekran. Me siguri, sezonin e ri do të mbajë të larta pritshmëritë dhe do të ofrojë momente të reja dhe të paharrueshme për të gjithë fansat e serialit. /Telegrafi/
Disa nga aktorët e rinj të “O Sa Mirë”: