Shtëpia, ku humbi tragjikisht jetën një nga mitet e epokës sonë Marilyn Monroe nxirret në shitje. Kjo shtëpi edhe në ditët e sotme fsheh ende misterin e vdekjes, që ndoshta nuk do të zbulohet kurrë.
Bëhet fjalë për vilën në BrentWood, Kaliforni, SHBA ku më 5 gusht 1962 u gjend e vdekur Marilyn Monroe. Por kjo nuk është hera e parë që kjo shtëpi nxirret në shitje, më parë çmimi ka qenë 5,1 milionë dollarë ndërsa tani arriti deri në 6,9 milionë dollarë shkruan Tg.com24.
Marilyn e bleu shtëpinë vetëm pak muaj para se të vdiste. Në një intereviste të 1962-it dhë për revistën “Life” dhënë gazetarit Richard Meryman, ajo tregonte se ishte mjaft e lumtur tek ajo shtëpi dhe ishte e para që e ndiente si të sajën.
Ajo u gjend e vdekur pikërisht në një tre nga dhomat e gjumit nga psikiatri i saj. Marilyn ndodhej përmbys në krevat me receptorin e telefonit në dorë.
Vdekja e ikonës së famshme edhe në ditët e sotme mbetet mister, disa teori thonë se vdiq nga një mbidozë ilaçesh, të cilat i kishte pirë aksidentalisht, disa të tjera se ka qenë vetëvrasje dhe teoria më tragjike se mund të jetë vrarë. Gjithçka mbeti e pazbuluar edhe pse kanë kaluar 55 vjet. /Telegrafi/
