Prindërit në Michighan mbetën të tmerruar më videon rrëqethëse, ku shfaq nxënësen e klasës së pestë duke rrahur brutalisht 6-vjeçarin brenda autobusit të shkollës, ku si pasojë ka pësuar lëndime trupore.
Videoja e realizuar me telefon, shfaq nxënësen e klasës së pestë të shkollës Ballard duke rrahur 6-vjeçarin derisa ishin duke u kthyer nga shkolla, transmeton Telegrafi.
Nxënësja e paidentifikuar fillimisht dëgjohet duke u grindur, bërtitur, kurse besohet se gjithçka filloi kur 6-vjeçari tentoi t’ia përplas për tokë telefonin që e mbante në dorë.
Situata eskalon kur kjo vajzë ngritet nga ulësja dhe fillon ta godasë me grushta në kokën 6-vjeçarin.
Sikur kjo të mos mjaftonte, nxënësit e tjerë dëgjohen duke qeshur dhe assesi që e merrnin mundin ta ndihmojnë vogëlushin.
Që kur videoja është bërë virale, prindërit e nxënësve tjerë kanë filluar të brengosen për sigurinë e më të dashurve të tyre. /Telegrafi/
