Nutricionistja e njohur shqiptare, Diola Dosti, është një prej banoreve e cila iu bashkua së voni shtëpisë së Big Brother VIP Albania.
E teksa ka bërë për vete të gjithë banorët me dukjen e saj fine dhe këshillat e të ushqyerit shëndetshëm, në një moment ajo mori vëmendjen e të gjithë shikuesve lidhur me një deklaratë të saj.
Teksa ishte diskutuar me banorët e tjerë për ushqimet e shpejta dhe të pashëndetshme, ajo u shpreh se pica sipas atyre që ajo di, nuk tretet në organizëm për shtatë vjet.
“Një picë që ke ngrënë para shtatë vitesh është e pamundur të tretet 100 për qind, duhet të ketë ngelur patjetër në muret e brendshme të zorrës”, ka thënë nustricionistja në një video e cila është shpërndarë gjithandej në internet.
Nga Big Brother VIP Albania përndryshe të martën u përjashtua modelja Kejvina Kthella, pas publikimit të pamjeve ku shihej duke ushtruar dhunë fizike mbi banorin tjetër të shtëpisë, këngëtarin Luiz Ejlli. /Telegrafi/