Kantautori i njohur shqiptar, Nurteel, ka lansuar dje projektin në bashkëpunim me Greta Koçin.
“A ja vlejti” është projekti i dyshes që u pëlqye mjaft shumë nga publiku në orët e para të lansimit, shkruan Telegrafi.
Vet producenti i këngës dhe pjesëmarrësi në duet me Gretën, Nurteel, për Telegrafin ai ka rrëfyer për relacionin mes dyshes në skenat hot në klip, që ai i mohon.
“Nuk e besoj që kanë qenë skena hot, skena shumë normale kanë qenë dhe me Gretën jemi miq të thjesht dhe bashkëpunojmë në muzikë”, theksoi ai.
I pyetur a ja ka vlejt të realizohet kënga “A ja vlen”, vet producenti thotë se kjo shumë ia ka vlejt.
“Normal që ja ka vlejt, përderisa me gjithë dëshirë është realizuar dhe mendoj që është këngë që secili e gjen veten. Këngët e tilla ecin”, shtoi Nurteel për Telegrafin.
Për projektet e reja si këngëtar, ai thotë se befasitë do të mbesin befasi, kur dihet se ai më parë bashkëpunoi edhe me Bleron.
Kurse për punët si producent, njeriu që ia realizoi instrumentalin e projektit “Ajo” të Geasyt dhe Majk, bashk me Granit Gashin dhe LiBeats, thotë se këngët e bukura nuk do të ndalen.
“Befasia gjithmonë do të mbetet befasi. Për punën si producent, janë pak ata emra që s’jemi duke punuar me ta, për momentin besoj që këtë vit do të sjellim edhe disa këngë të bukura”, përfundoi kantautori i njohur. /Telegrafi/