Kanë vdekur në Britani të Madhe edhe 708 persona të diagnostikuar me coronavirus, duke ngritur në 4,313 numrin e përgjithshëm të tyre.
Deri më tani, kjo është rritja më e madhe ditore, pasi gjatë ditës së djeshme ishin 684 të vdekur, derisa të enjten ka pasur 569 viktima, transmeton Telegrafi.
Në të njëjtën kohë, numri i të infektuarve me coronavirus ka arritur në 41,903 deri në mëngjesin e sotëm, derisa 183,190 i janë nënshtruar testimit.
Gjatë ditës së sotme, autoritetet britanike kanë bërë të ditur, se ditëve në vijim, do të përkeqësohet situata si pasojë e coronavirusit, ndërsa parashikohet deri në 1,000 të vdekur në ditë.
Sekretari i Shëndetësisë, Matt Hancock njoftoi për parashikime shumë zymta të ekspertëve.
“Gjatë javës që vjen, do të vdesin deri në 1,000 persona brenda një dite dhe kjo do të vazhdojë deri në të dielën e Pashkëve”, ka thënë Hancock. /Telegrafi/