Partia Socialiste vazhdon ta mbajë diferencën me Partinë Demokratike, ku janë numëruar gjysma e vendvotimeve.
Sipas Komisionit Qendror të Zgjedhjeve, përcjell Telegrafi, deri më tani janë numëruar 2,575 qendra votimi nga 5,199 sa janë gjithsej në Shqipëri, nga të cilat PS-ja deri tani ka marrë 361,572 vota apo 48.77 për qind, ndërsa PD-ja ka 291,246 vota apo 39.29 për qind, shkruan Telegrafi.
Lëvizja Socialiste për Integrim deri tani ka 52,437 vota apo 7.07 për qind, kurse PSD-ja ka 15,845 vota apo 2.14 për qind.
Kthyer në mandate, aktualisht PS ka 75 deputetët nga 140, ndërsa PD ka 58 deputetë. LSI ka 5 deputetë dhe PSD me 2 mandate në Kuvendin e Shqipërisë.
Në këto zgjedhje kanë pasur të drejtë të votojnë 3,588,869 qytetarë me të drejtë vote.
Për 140 vende në Parlamentin shqiptar kanë garuar 1,841 kandidatë nga 13 parti, koalicione apo të pavarur. /Telegrafi/