Komisioni Qendror i Zgjedhjeve ka numëruar 77.92% të votave në komunën e Skenderajt.
Sipas këtyre votave të numëruara nga KQZ, Partia Demokratike e Kosovës del e para në këtë komunë me 76.35 për qind të votave, transmeton Telegrafi.
Partia e dytë radhitet Vetëvendosje me 7.57 për qind, kurse e treta është Lidhja Demokratike e Kosovës me 4,36 për qind të votave.
Komisioni Qendror i Zgjedhjeve ka bërë të ditur se numri i votuesve në zgjedhjet e sotme parlamentare është 812 mijë e 49 votues apo 44.18 për qind./Telegrafi/
