Kur kanë mbetur më pak se 10 për qind të numërimit të vendvotimeve në Shqipëri nga zgjedhjet e përgjithshme të mbajtura më 25 prill, Partia Socialiste është duke prirë ndaj Partisë Demokratike.
Sipas Komisionit Qendror të Zgjedhjeve, përcjell Telegrafi, deri në ora 09:00 janë numëruar 4,721 qendra votimi nga 5,199 sa janë gjithsej në Shqipëri, nga të cilat PS-ja deri tani ka marrë 681,527 vota apo 48.61 për qind, ndërsa PD-ja ka 552,146 vota apo 39.39 për qind.
Lëvizja Socialiste për Integrim deri më tani ka 96,903 vota apo 6.91 për qind, kurse PSD-ja ka 31,523 vota apo 2.25 për qind.
Kthyer në mandate, aktualisht PS ka 73 deputetët nga 140, ndërsa PD ka 59 deputetë. LSI ka 5 deputetë dhe PSD me 3 mandate në Kuvendin e Shqipërisë.
Në këto zgjedhje kanë pasur të drejtë të votojnë 3,588,869 qytetarë me të drejtë vote.
Për 140 vende në Parlamentin shqiptar kanë garuar 1,841 kandidatë nga 13 parti, koalicione apo të pavarur. /Telegrafi/