Përkundër faktit se Real Madridi ka emra si Eder Militao, David Alaba, Aurelien Tchouameni dhe Jacobo Ramon jashtë për shkak të lëndimeve, Jesus Vallejo nuk po konsiderohet si opsion në qendër të mbrojtjes nga Carlo Ancelotti.
28-vjeçari është së bashku me Antonio Rudiger dhe Raul Asencion qendërmbrojtësit e vetëm në dispozicion tek ekipi i parë, por përkundër se ky i fundit bëri debutimin e tij dy javë më parë, ka fituar besimin e teknikut italian.
Vallejo nuk po konsiderohet fare si një opsion nga Ancelotti dhe nëse një qendërmbrojtës transferohet në janar, nuk do të ishte një befasi nëse do të largohej.
Sidoqoftë kjo me gjasë do të ndodhë edhe nëse nuk transferohet ndonjë lojtar i ri pasi dikur eventualisht Alaba, Tchouameni dhe Ramon do të rikthehen.
Rayo Vallecano po shpreson që të shfrytëzojë në avantazhin e saj këtë situatë dhe sipas mediumit spanjoll Estadio Deportivo, ata janë të interesuar për të transferuar Vallejon gjatë afatit kalimtar dimëror.
Mbetet të shihet nëse Real Madridi është i gatshëm që të ndajë rrugët me Vallejon dhe për tani, duket e sigurt se ai do të largohet në 2025, qoftë në janar ose eventualisht gjatë verës./Telegrafi/