Nuk ndalet Como, Fabregas siguron shërbimet e talentit të Barcelonës

Como ka arritur një marrëveshje verbale për të siguruar shërbimet e Alex Valle nga Barcelona.

Ky transferim vjen pas lajmeve që u publikuan dy javë më parë, kur u bë e ditur se klubi italian ishte në negociata për të riun e Barçës.

Sipas burimeve të ekspertit të njohur të transferimeve, Fabrizio Romano, lojtari do të largohet nga Barcelona me një marrëveshje huazimi.

Lexo po ashtu Rashford te Barcelona: Man United me transferim aspak të pritur nga katalunasit

Celtic, i cili gjithashtu ishte i interesuar për Vallen, ka hequr dorë nga huazimi i tij pasi po fokusohet te Kieran Tierney për vitin e ardhshëm.

Marrëveshja përfshin një klauzolë çmimi prej gjashtë milionë euro për të blerë përfundimisht kartonin e lojtarit.

Lexo po ashtu I harruar nga të gjithë, Dele Alli po rikthehet ta vazhdojë karrierën në Serie A

Valle tashmë ka të aranzhuar testet mjekësore, dhe transferimi pritet të finalizohet pasi të kompletohen dokumentet e nevojshme.

Alex Valle, i njohur për potencialin e tij të madh, cilësohet si një nga talentët më premtues të klubit katalunas, dhe transferimi i tij te Como mund të jetë një hap i rëndësishëm për t’u rritur edhe më tej si lojtar.

Vlen të ceket se Como po vazhdon të shtojë cilësitë në radhët e tyre, pasi ditë më parë – ekipi i drejtuar nga Cesc Fabregas ka shtuar edhe ish-yllin e Tottenhamit, Dele Alli. /Telegrafi/