Një personazh i njohur i televizionit në Australi, Zilda Williams, në një përpjekje për të rritur famën e saj edhe përtej kontinentit, ka imituar fotografinë nudo të Kim Kardashian që bëri bujë në muajin e kaluar.
Ajo e ka publikuar imazhin e saj në rrjetet sociale duke shkruar: “Dojeni trupin tuaj. Është gjëja më e mahnitëse që keni”.
32-vjeçarja edhe në të kaluarën ka thënë se e admiron Kimin, duke qenë se ajo është inspirim për femrat që kanë forma.
“Admiroj çdo njeri që ndihet mirë me trupin, pasi nëse je i shëndetshëm, je edhe i bukur”, ka thënë Zilda duke theksuar se yllin amerikan e admiron pikërisht për faktin se e do trupin që ka.
