Legjenda angleze, Michael Owen ka paralajmëruar ekipet e mëdha të Ligës Premier në garën për titullin e sezonit 2024/25.
Arsenali, Manchester City dhe Liverpool e kanë nisur të gjithë sezonin 2024/25 në Ligën Premier me nga dy fitore radhazi në dy xhirot e para.
Sezonin e kaluar, një pikë e vetme ndau fituesit dhe nën-kampionin dhe Owen pret që gara të jetë po aq e ngushtë edhe këtë herë.
“Do t’ju duhet të kaloni nëntëdhjetë pikët. Ka shumë pak diferencë gabimi. Ju nuk mund të rrëshqisni”, ka thënë fillimisht Owen për Premier League Productions.
“Unë nuk mendoj se ju mund të humbni më asnjë ndeshje në fillim të një sezoni. Duhet të jeni pothuajse perfekt. Nuk mund t’i jepni askujt epërsi”.
“Liverpool, Arsenal dhe Man City kanë startuar në mënyrë të barabartë gjithashtu. Ata janë në krye të lojës së tyre. Mund të jetë liga më e vështirë për t’u fituar në një kohë të gjatë”, përfundoi ish-ylli anglez. /Telegrafi/