Kosova nuk po ndalet duke fituar medalje në Lojërat Mesdhetare, Tarragona 2018, që po mbahen në Spanjë.
Krejt kjo natyrisht falë xhudistëve tanë, që me në krye Driton Kukën po rrëmbejnë medalje pas medalje.
Tash është Loriana Kuka ajo që ka arritur suksesin e madh duke fituar medaljen e argjendtë e duke çuar numrin e medlajve të fituara për Kosovën në këtë turne në plot katër medalje.
Kuka në luftën e saj për medaljen e artë u mposht nga italiania Giorgia Stangherlin në kategorinë deri 78 kilogramë.
Distria Krasniqi, Nora Gjakova dhe Akil Gjakova fituan të gjithë medalje të arta duke përfaqësuar denjësisht Kosovën.
/Telegrafi/