Për një njeri që është varur në një ndërtesë prej 820 metrash, është kapur në një aeroplan në ngritje dhe ka mësuar ta mbajë frymën nën ujë deri në gjashtë minuta – hedhja me parashutë nuk mund të jetë një ‘mision i pamundur’, madje as në moshën 58 vjeçare.
Tom Cruise, të cilin i pëlqen t’i bëjë vet të gjitha skenat e rrezikshme, në javën e kaluar është hedhur nga një helikopter nga një lartësi prej 3.000 metrash mbi Oxfordshire, për vazhdimin e radhës të “Mission Impossible”.
Dy anëtarë të tjerë të trupës së aktorëve iu bashkuan në hedhje, teksa xhirimet e “Mission: Impossible 7” janë rikthyer pas pauzës si pasojë e pandemisë së COVID-19.
Cruise i ka ushtruar skenat e tij gjatë izolimit, ndërsa ka praktikuar vozitjen e motoçikletës në shpejtësi në vende me baltë, si edhe është mësuar ta pilotojë helikopterin.
Në filmin e mëparshëm të “Mission: Impossible”, aktori kishte pësuar frakturë në nyje gjatë një skenë në Londër, mirëpo kjo nuk e ka penguar që të vazhdojë sërish t’i bëjë skenat e rrezikshme. /Telegrafi/
