Nuk ka fitues në pjesën e parë mes Liverpoolit dhe Arsenalit

Ka përfunduar me rezultat të barabartë 1-1  pjesa e parë në duelin mes Liverpoolit dhe Arsenalit.

45 minutëshi i parë ishte i tëri një spektakël për tifozët e pranishëm në stadium, me shumë raste për gol për të dyja skuadrat.

Arsenali mori avantazhin përmes Gabriel Magalhaes (4’) i cili shënoi për 1-0 me kokë pas asistimit të Martin Odegaard.

Fillimisht u desh ndihma e VAR-it për të konfirmuar pozitën e brazilianit dhe më pas ndeshja rifilloi nga mesi i fushës.

Liverpooli iu afrua barazimit kur Mohamed Salah (14’) goditi rrjetën e jashtme të portës së David Raya.

Lexo po ashtu Kronologjia e derbi, Liverpool 1-1 Arsenal: Gjithçka rreth ndeshjes, para, gjatë dhe pas saj

Pas disa tentimeve të njëpasnjëshme, Liverpooli e gjeti golin e barazimit në minutën e 29-të përmes Mohamed Salah që shënoi për 1-1 pas asistimit të bukur nga Trent Alexander-Arnold.

Mbetet të shihet se çfarë do të garantojë pjesa e dytë e këtij takimi, por duke marrë për bazë pjesën e parë, një “luftë” e madhe pritet të zhvillohet mes këtyre dy skuadrave, për të rrëmbyer tri pikët./Telegrafi/