Gjilani dhe Prishtina kanë luajtur baras 1-1 në derbin e xhiros së 13-të në BKT Superligë.
Ka qenë një ndeshje shumë e mirë me tifozëritë e dy skuadrave të pranishëm në shkallët e stadiumit në Gjilan.
Rasti i parë i takoi mysafirëve, kur Otto John doli i vetëm përballë Enea Koliqit, por pa arritur ta mposhtë atë.
Në minutën e 14-të, kapiteni i Gjilanit, Gerhard Progni pati mundësi shënimi, por Betim Halimi ishte në vend.
Prishtina kaloi në epërsi pas gjysmë ore lojë, kur Mendurim Hoti dërgoi topin në rrjetë për 0-1.
Augustin Torasa i vendasve pati mundësi për ta barazuar rezultatin në minutën e 37-të, por goditja e tij u ndal nga shtylla.
Me epërsinë minimale të kryeqytetasve përfunduan 45 minutat e para.
Gjilani mbeti me 10 futbollistë në fushë, kur Muhamed Useini u ndëshkua me karton të kuq në minutën e 55-të.
Tre minuta më vonë, Endrit Krasniqi pati rast të artë, por që goditja e tij u ndal nga shtylla.
Gjilani fitoi penallti në minutën e 67-të, të cilën në gol e shndërroi kapiteni Gerhard Progni.
Vendasit pati mundësi shënimi me Hoxhën e Prognin, por të dy goditjet e tyre u ndalën nga Betim Halimi.
Përkundër se dy skuadrat deri në fund tentuan ta fitonin ndeshjen, një gjëje të tillë nuk ia arritën dhe u desh të kënaqen me nga një pikë.
Gjilani me këtë pikë të fituar ngritët në vendin e dytë me 22 pikë, derisa Prishtina mbetet në vendin e gjashtë me 17 pikë.
Ndeshjen e radhës Gjilani do ta luaj në udhëtim te Ulpiana, ndërsa Prishtina para tifozëve të vet pret Dukagjinin e Klinës. /Telegrafi/