Vajza e Peles, Kely Nascimento publikoi një përditësim të fundit në lidhje me legjendën braziliane, teksa ai po lufton me kancerin.
Pele mbetet në një dhomë të veçantë në Spitalin Albert Einstein në Sao Paulo, por institucioni njoftoi se ish-ylli i futbollit po përjeton një progres në luftën me kancerin e tij që ka rritur shqetësimin për gjendjen e tij.
82-vjeçari ka luftuar me kancerin që nga viti 2021 dhe po ashtu po merret me një sëmundje të zemrës.
“Krishtlindjet tona në shtëpi janë pezulluar. Me mjekët vendosëm që, për arsye të ndryshme, do të ishte më mirë të qëndronim këtu me gjithë kujdesin që na jep kjo familje e re në Einstein!!”.
“Ne, si gjithmonë, ju falënderojmë për gjithë dashurinë që na tregoni këtu në Brazil, si dhe në mbarë botën!”.
“Dashuria juaj për të dhe lutjet tuaja janë një ngushëllim i madh sepse ne e dimë se nuk jemi vetëm”.
“I urojmë të gjithëve që festojnë një Krishtlindje të mbushur me familje, plot fëmijë, dashuri dhe shëndet!!”.
“Ne ju duam, do t’ju japim një përditësim javën e ardhshme”, ka shkruar vajza e tij në Instagram. /Telegrafi/