Presidenti francez Emmanuel Macron këmbënguli të hënën pasdite se arrestimi i shefit ekzekutiv të Telegram, Pavel Durov, ishte pjesë e një hetimi gjyqësor në vazhdim dhe jo një lëvizje politike.
Deklarata është konfirmimi i parë zyrtar i arrestimit të miliarderit rus, gati dy ditë pasi Durov u ndalua kur aeroplani i tij privat u ul në një aeroport jashtë Parisit të shtunën.
Moska që atëherë ka akuzuar Francën për standarde të dyfishta të fjalës së lirë dhe ka nxitur një paralajmërim nga Kremlini se Durovit duhet t’i njihen të drejtat e tij, duke përkeqësuar më tej marrëdhëniet tashmë të tensionuara midis të dy vendeve.
Pyetje të shumta janë ngritur për arsyet dhe rrethanat e arrestimit të tij.
Të dielën mbrëma, autoritetet franceze zgjatën paraburgimin e Durov-it për “mosfrenimin e veprave të tilla si mashtrimi, trafiku i drogës, krimi i organizuar dhe promovimi i terrorizmit në platformën e mesazheve Telegram”, sipas raporteve të mediave franceze.
I have seen false information regarding France following the arrest of Pavel Durov.
France is deeply committed to freedom of expression and communication, to innovation, and to the spirit of entrepreneurship. It will remain so.
In a state governed by the rule of law,…
— Emmanuel Macron (@EmmanuelMacron) August 26, 2024
Durov mund të mbahet deri në 96 orë për t’u marrë në pyetje. Pasi të përfundojë faza e paraburgimit, gjyqtari mund të vendosë ta lirojë atë ose të ngrejë akuza.
Ambasada e Rusisë në Paris tha se kishte kërkuar qasje në Durov, por tha se “pala franceze po refuzon të bashkëpunojë” pasi Durov është gjithashtu një shtetas francez.
Macron tha se ndërsa Franca është “thellësisht e përkushtuar ndaj lirisë së shprehjes dhe komunikimit”, liri të tilla “mbrohet brenda një kuadri ligjor, si në mediat sociale ashtu edhe në jetën reale”.
“I takon gjyqësorit, në pavarësi të plotë, të zbatojë ligjin”, tha ai në X.
“CEO i Telegram Pavel Durov nuk ka asgjë për të fshehur dhe udhëton shpesh në Evropë”, thuhet në një deklaratë të Telegram.
“Është absurde të pretendosh se një platformë ose pronari i saj janë përgjegjës për abuzimin e asaj platforme”. /Telegrafi/