Jay Spearing, dikur një nga talentet e mëdha të Liverpoolit që dikur pati mundësinë të luante në “Anfield Road”, luajti sërish për The Reds pas nëntë vitesh.
Skuadra e dytë e Liverpoolit u mposht mbrëmë në ndeshjen kundër Rochdale (1-0) në EFL Cup, ku kishin mundësi të luanin disa nga rezervat dhe lojtarët që Jurgen Klopp nuk i llogarit shumë.
Arthur Melo që erdhi nga Juventusi në këtë afat kalimtar, luajti nga minuta e parë në këtë ndeshje.
Por një emër që mahniti shumë tifozët e futbollit, ishte 33-vjeçari Jay Spearing, një ish-talent i madh i Liverpoolit që u largua nga Anfield në vitin 2013.
Yes this substitution really happened.
🔁 Jay Spearing replaced Arthur Melo for Liverpool U21s during their Papa Johns Trophy loss to Rochdale tonight. 2022.#BBCFootball pic.twitter.com/jCR32RjqiV
— Match of the Day (@BBCMOTD) September 20, 2022
Spearing luajti në të gjithë Anglinë dhe ishte pjesë edhe e ligave të ulëta. Ai la gjurmë më të madhe në Bolton, me të cilët luajti në kategorinë e dytë dhe të tretë, ndërsa dy vitet e fundit i kaloi te Tranmere Rovers.
Gjatë verës ai iu bashkua Liverpoolit dhe mori rolin e trajnerit dhe lojtarit në kategoritë e të rinjve. Edhe pse është 33 vjeç luan për ekipin U-23, ndërsa mbrëmë ka luajtur ndeshjen e parë me fanellën e Liverpoolit pas nëntë vitesh.
“Po, ky zëvendësim ka ndodhur me të vërtetë. Jay Spearing zëvendësoi Arthur Melo për Liverpoolin në humbjen e tyre në Rochdale”, shkruan BBC.
Imagine 3 months ago I’d told you Arthur Melo would be subbed off for Jay Spearing for in a Papa John’s game vs Rochdale pic.twitter.com/1NLTC4f8G5
— SMO (@FirmiSmo) September 20, 2022
Performanca e Spearingut ishte një nga temat më interesante në mediat britanike. /Telegrafi/