Zagrebi nuk do të vazhdojë ashpërsimin e marrëdhënieve me Beogradin.
Vendimi është marrë pas konsultimeve të udhëheqjes shtetërore të Kroacisë, zbulon jo zyrtarisht N1 në Qeverinë e Kroacisë.
Siç thuhet, nuk ka pasur diskutime për tërheqjen e ambasadorit kroat nga Beogradi.
Megjithatë, kjo nuk do të thotë se qeveria kroate do të mbetet “e detyruar” ndaj Serbisë, pasi sipas N1, qeveria tha se do t’iu përgjigjet provokimeve serbe dhe deklaratave të ngjashme si ato të shefit të diplomacisë serbe Ivica Daçiq, se Kroacia ishte në anën e Hitlerit.
Qeveria serbe javën e kaluar vendosi që ministri kroat i Mbrojtjes Damir Krstiçeviq të shpallet person i padëshiruar në Serbi, si masë reciproke ndaj vendimit të Zagrebit që shpalli person non-grata ministrin serb të Mbrojtjes, Aleksandar Vulin. /kp/Telegrafi/