Mauricio Pochetino është pyetur nga gazetarët se a ndjehet përgjegjës për sezonin e dështuar të Chelseat, ku aktualisht është jashtë çdo objektivi.
Trajneri argjentinas ka thënë se nuk është e mundur që vetëm një njeri të jetë përgjegjës, ndërsa shtoi se nuk ka komunikim se me pronarin e klubit, Todd Boehly.
“Mendoni se vetëm unë duhet të përmirësohem këtu te Chelsea?! Duhet të jetë gjithmonë trajneri ai që duhet të vërtetojë nëse e meriton të jetë këtu edhe për sezonin tjetër?”.
“Mendoj se për situatën te Chelsea jemi të gjithë përgjegjës dhe të gjithë duhet të vërtetojmë se jemi mjaftueshëm të zotët për të qëndruar këtu edhe një tjetër sezon”.
“Të jem i sinqertë prej disa muajsh nuk kam komunikuar me pronarët, komunikojmë vetëm nëpërmjet drejtorëve sportivë. Por, pritshmëritë dhe ndjesitë e mia për klubin nuk kanë ndryshuar”, ka thënë Pochetino.
Chelsea aktualisht është në vendin e nëntë në Ligën Premier me vetëm 47 pikë të tubuara nga 32 ndeshje. /Telegrafi/