Operatori i një droni në Florida ka kapur momentin kur një peshkaqen qëndron vetëm tri metra larg pushuesve, që as që ishin në dijeni se pranë tyre po “sorollatej” një peshkaqen gjigant.
Robert Russ pa peshkaqenin mbi metra, derisa po navigonte hapësirën përmes kamerës së vendosur në dron në Daytona të SHBA-ve, transmeton Telegrafi.
Ai vërejti peshkaqenin duke iu afruar notuesve – që ia bënin me dorë kamerës së vendosur në dron, dhe mendonin se ishin pjesë e ndonjë emisioni televiziv.
Për fat të mirë në momentet e fundit peshkaqeni tërhiqet, kurse notuesit të pavetëdijshëm që ishin në rrezik, dalin nga uji duke mos e pasur fare idenë se kanë mundur të jenë viktima të një sulmi.
Kujtojmë që në Florida dhe New York është rritur numri i sulmeve nga peshkaqenët, ku në Florida besohet të jetë shifra rekorde e këtyre rasteve. /Telegrafi/
