Nuk ka asnjë informacion për gjendjen shëndetësore të katër të plagosurve në Lupç të Podujevës, të cilët janë duke u trajtuar në Klinikën Emergjente të QKUK-së.
Stafi i Klinikës Emergjente të QKUK-së nuk ka dhënë ende detaje për gjendjen shëndetësore të plagosurve. Ndërsa, në hyrje të kësaj klinike janë parë forca të shumta të Policisë së Kosovës.
Sipas burimeve të KosovaPressit të plagosurit janë disa anëtarë të familjeve Hoxha dhe Menxhiqi.
Ndryshe, katër perona kanë mbetur të plagosur, tre prej tyre me armë zjarri dhe një me thikë, si pasojë e një konflikti të armatosur që ka ndodhur pasditen e sotme në Lupç të Podujevës.
Rastin e ka konfirmuar për Telegrafin, zëdhënësja e Policisë së Kosovës për rajonin e Prishtinës, Flora Ahmeti.
