Një shtetas nga Memaliaj që është rezident në Greqi dhe një shtetase bullgare janë ndaluar në Kapshticë pasi nuk kanë deklaruar 25 mijë euro në momentin e hyrjes.
Ata janë proceduar penalisht, se dhe u janë sekuestruar paratë bën me dije policia.
Njoftimi i Policisë së Shtetit
Vijon kontrolli i imtësishëm i mjeteve dhe qytetarëve, me qëllim parandalimin dhe goditjen e paligjshmërisë.
Sekuestrohen nga Policia Kufitare 25000 euro.
Procedohen penalisht 2 poseduesit, të cilët nuk i deklaruan në kufi.
Në vijim të kontrolleve të imtësishme, me qëllim parandalimin e krimeve ndërkufitare, shërbimet e Policisë Kufitare në P.K.K Kapshticë, në dalje të Republikës së Shqipërisë, përzgjodhën për kontroll në vijën e dytë shtetasin J. R., 46 vjeç, nga Memaliaj, rezident në Greqi dhe shtetasen bullgare D. D., 31 vjeçe, të cilët udhëtonin me mjetin e tyre.
Gjatë kontrollit të ushtruar nga shërbimet e Policisë Kufitare, në bashkëpunim me shërbimet doganore, këtyre shtetasve iu gjet një sasi prej 25000 eurosh, të fshehura në trup, të cilat nuk i kishin deklaruar para autoriteteve.
Veprimet në lidhje më këtë rast janë kryer nga specialistët e Seksionit të Krimit Ekonomik në DVP Korçë, të cilët kanë filluar procedimin penal ndaj këtyre shtetasve. /Telegrafi/
