Këngëtarja e njohur shqiptare, Nora Istrefi, ka pak ditë që publikoi bashkëpunimin e saj më të ri me reperin Gjiko dhe reperen Melinda Ademi.
Kënga me titull “Ay Caramba” është pritur mirë nga publiku, ndërsa edhe klipi i këngës është komentuar shumë në media dhe rrjetet sociale.
E pas punës të bërë për këtë projekt, Nora duket se më në fund ka gjetur pak kohës për pushime.
Ajo ka publikuar së fundmi në rrjetin social Instagram disa fotografi të reja, ku shfaqet mjaft atraktive në bikini, teksa endet brigjeve të detit.
Duke vënë në pah linjat atraktive trupore, Istrefi ka marrë vëmendjen e ndjekësve të saj të shumtë.
Këngëtarja është komentuar gjithmonë për vijën e saj të trupit, e cila është rezultat i angazhimit të saj të rregullt në palestër.
Përveç muzikës, Nora kohëve të fundit ka zhvendosur aktivitetin e saj edhe në biznes, duke hapur një kompani fotografimi. /Telegrafi/
