Këngëtarja Nora istrefi, ka kohë që nuk ka sjellë për fansat ndonjë projekt të ri muzikor.
Megjithatë, kjo do të zgjasë shumë pak, pasi ajo ka gati një bashkëpunim me motrën e saj, Era istrefin, të cilin presin ta lansojnë së shpejti.
Nora ndërkohë është shumë aktive dhe e ndjekur në rrjetet sociale, përmes së cilave shpesh ndan me fansat fotografi dhe video të ndryshme nga jeta e saj.
Së fundmi, Istrefi ka publikuar në rrjetin social Instagram disa fotografi të reja, në të cilat shfaqet mjaft atraktive dhe tërheqëse.
Ajo ka pozuar me një fustan të shkurtër ngjyrë rozë, duke theksuar kështu linjat e saj trupore.
Ndonëse është nënë e një vajze, Nora vazhdon të mbetet në top formë, dhe për të qëndruar e tillë, ajo ndjek me rregull ushtrimet në palestër.
Pëlqimet dhe komentet e shumta nuk mungojnë për këngëtaren, e cila ndiqet nga një numër i madh fansash në Instagram. /Telegrafi/